សេចក្តីជូនដំណឹងស្តីពី៖ ការចាប់ផ្តើមចូលរៀនវគ្គបណ្តុះបណ្តាលស្តីពី អ្នកតំណាងស្របច្បាប់ ក្នុងការស្នើសុំឯកសារនាំចេញ-នាំចូល ជំនាន់ទី១២ និង ការចាប់ផ្តើមទទួលពាក្យចូលរៀនសម្រាប់វគ្គបន្តបន្ទាប់ នៅក្រសួងពាណិជ្ជកម្ម

ក្រសួងពាណិជ្ជកម្មនៃព្រះរាជាណាចក្រកម្ពុជាមានកិត្តិយសសូមជម្រាបជូនដំណឹងដល់សិក្ខាកាម និងសាធារណជនទាំងអស់ឱ្យបានជ្រាបថា៖ ក្រសួងពាណិជ្ជកម្មនឹងរៀបចំវគ្គបណ្តុះបណ្តាលសម្រាប់អ្នកតំណាងស្របច្បាប់ក្នុងការស្នើសុំឯកសារនាំចេញ-នាំចូលជំនាន់ទី១២ នាពេលខាងមុខឆាប់ៗនេះដែលសិក្សារៀងរាល់ថ្ងៃចន្ទ ដល់ ថ្ងៃសុក្រ ចាប់ពីម៉ោង ១:៣០ ដល់ ៥:៣០នាទី រសៀល។

វគ្គបណ្តុះបណ្តាលនេះរៀបចំឡើងក្នុងគោលបំណងដើម្បីគ្រប់គ្រងនិងពង្រឹងសមត្ថភាពអ្នកតំណាង ស្របច្បាប់របស់សហគ្រាសក្រុមហ៊ុន អោយបានជាអតិបរមា ព្រមទាំងពង្រឹង និងបង្កើនប្រសិទ្ធិភាពនៃការ  អនុវត្តច្បាប់ ប្រកាស សេចក្តីជូនដំណឹង​ផ្សេងៗ ពាក់ព័ន្ធនឹងការផ្តល់ឯកសារនាំចេញ-នាំចូល ជាពិសេសគាំទ្រដល់ការផ្តល់សេវានាំចេញនាំចូលឲ្យកាន់តែប្រសើរឡើងដូចបានកំណត់ក្នុងប្រកាសលេខ ២៥៨ ព.ណ​ ចបព.ប្រក ចុះថ្ងៃទី០១ ខែវិច្ឆិកា ឆ្នាំ២០១៧ ស្តីពីការទទួលស្គាល់អ្នកតំណាងស្របច្បាប់ក្នុងការស្នើសុំចុះបញ្ជីពាណិជ្ជកម្មឬ ឯកសារនាំចេញ-នាំចូលនៅក្រសួងពាណិជ្ជកម្ម នៃព្រះរាជាណាចក្រកម្ពុជា។

បញ្ជាក់៖ ការទទួល និងការដាក់ពាក្យចូលរៀនសម្រាប់វគ្គបណ្តុះបណ្តាលស្តីពី“អ្នកតំណាងស្របច្បាប់ក្នុងការស្នើសុំឯកសារនាំចេញ-នាំចូល” បើកចាប់ពីថ្ងៃជូនដំណឹងនេះតទៅរៀងរាល់ម៉ោងធ្វើការនៅវិទ្យាស្ថានបណ្តុះ​បណ្តាលពាណិជ្ជកម្ម និងស្រាវជ្រាវ (TTRI)(ជាន់ទី១ អគារA) ទីស្តីការក្រសួងពាណិជ្ជកម្ម។

ព័ត៌មានបន្ថែមសូមធ្វើការទំនាក់ទំនង៖

- លោកស្រី ផល យីតា ០៩២ ៩៧៦ ០៦៦

- លោក ទឹង ចន្ធី ០៩៦ ៤៤៩ ២០០៩