ក្រសួងពាណិជ្ជកម្ម

ឯកឧត្តមរដ្ឋមន្ត្រីក្រសួងពាណិជ្ជកម្ម ទទួលជួបសមាគមជប៉ុន-កម្ពុជា

ថ្ងៃទី១៨ ខែមីនា ឆ្នាំ២០២០ ម៉ោង ០៤:១៧ នាទី រសៀល

👁 0

នៅព្រឹកថ្ងៃទី១៨ ខែមីនា ឆ្នាំ២០២០ ឯកឧត្តមប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានទទួលជួបឯកឧត្តម តាកាហាស៊ីហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា និងសហការី ដើម្បីពិភាក្សាការងារ។

ជាកិច្ចចាប់ផ្ដើម ឯកឧត្តមរដ្ឋមន្ត្រីបានជម្រាបជូនអំពីផលប៉ះពាល់មួយចំនួនលើសេដ្ឋកិច្ចកម្ពុជា ដែលបង្កដោយជំងឺកូវីដ១៩ជាពិសេសផលប៉ះពាល់ទៅលើរោងចក្រ និងកម្មករ។ តែថ្មីៗនេះ វត្ថុធាតុដើមមួយចំនួនត្រូវបានបញ្ជូនមកដល់ដោយមិត្តចិនហើយជាមួយនោះដែរ រោងចក្រមួយចំនួនក៏បានចាប់ផ្ដើមដំណើរការឡើងវិញ។ ក្រៅពីនោះកម្ពុជាក៏កំពុងតែរៀបចំយុទ្ធសាស្ត្រពង្រឹងវិស័យសេដ្ឋកិច្ចរបស់ខ្លួនបន្ថែមទៀតរួមមានការធ្វើឲ្យប្រសើរឡើងប្រព័ន្ធហេដ្ឋារចនាសម្ព័ន្ធតភ្ជាប់ ផលិតកម្មនិងពិពិធកម្មទីផ្សារ និងផលិតផល។

ជាកិច្ចឆ្លើយតប ឯកឧត្តម ហ្វូមីអាគីបានថ្លែងអំណរគុណចំពោះឯកឧត្តមរដ្ឋមន្ត្រី ដែលបានទទួលជួបគណៈប្រតិភូរបស់សមាគមជប៉ុន-កម្ពុជា នាពេលនេះ ហើយបានជម្រាបជូនអំពីលទ្ធផលដ៏ល្អប្រសើរនៃដំណើរទស្សនកិច្ចរបស់ក្រុមធុរជនជប៉ុនដែលសមាគមជប៉ុន-កម្ពុជា បានដឹកនាំមកកម្ពុជា កាលពីខែធ្នូឆ្នាំ២០២០ កន្លងទៅ។ ដោយមានការគាំទ្រខ្លាំងកាលពីឆ្នាំមុន សមាគមជប៉ុន-កម្ពុជា នឹងរៀបចំដំណើរទស្សនកិច្ចលើកទីពីរ នៅខែធ្នូ ឆ្នាំ២០២០ ខាងមុខនេះ ដើម្បីផ្សព្វផ្សាយពីសក្ដានុពលរបស់កម្ពុជាជាគោលដៅវិនិយោគ និងមូលដ្ឋានផលិតសម្រាប់ផ្គត់ផ្គង់ទៅក្នុងខ្សែចង្វាក់ផលិតកម្មពិភពលោកនិងតំបន់។ ដំណើរទស្សនកិច្ចនោះ សមាគមជប៉ុន-កម្ពុជា នឹងនាំមកនូវសហគ្រាសធុនតូចនិងមធ្យមមួយចំនួនមកកម្ពុជា ហើយសង្ឃឹមថា សហគ្រាសទាំងនោះមិនត្រឹមតែដាក់ទុនវិនិយោគនៅកម្ពុជាប៉ុណ្ណោះទេថែមទាំងផ្ទេរចំណេះដឹង និងបច្ចេកទេសថែមទៀតមកកម្ពុជា។ ក្នុងឱកាសនោះដែរ សមាជិកសមាគមជប៉ុន-កម្ពុជាមួយរូប ដែលកំពុងតែសិក្សាអំពីការផលិតផលិតផលសំអាងនិងសាប៊ូពីសូត្រមាសកម្ពុជា ក៏បានបញ្ជាក់ពីចំណាប់អារម្មណ៍ក្នុងការបង្កើតម៉ាកបញ្ជាក់គុណភាពដើម្បីផ្ដល់ទំនុកចិត្តដល់អតិថិជន និងទីផ្សារ។

ឯកឧត្តមរដ្ឋមន្ត្រីបានសាទរចំពោះគំនិតផ្ដួចផ្ដើមទាំងអស់នោះ ហើយបានលើកទឹកចិត្តឲ្យសមាគមជប៉ុន-កម្ពុជា ឆ្លៀតឱកាសក្នុងដំណើរទស្សនកិច្ចរបស់ខ្លួននៅខែធ្នូ ឆ្នាំ២០២០ ខាងមុខចូលរួមនៅក្នុងពិព៌រណ៍ផលិតផលនាំចេញនាំចូលកម្ពុជា លើកទី១៥ ដែលនឹងត្រៀមធ្វើនៅខែធ្នូឆ្នាំ២០២០ផងដែរ។ ទាក់ទងនឹងការបង្កើតម៉ាកនានា ឯកឧត្តមរដ្ឋមន្ត្រី បានណែនាំឲ្យធ្វើការជិតស្និតជាមួយនាយកដ្ឋានកម្មសិទ្ធិបញ្ញានៃក្រសួងពាណិជ្ជកម្មដើម្បីពិភាក្សា និងធ្វើការបន្ថែមលើករណីនេះ។

ព័ត៌មានថ្មីៗ

សេចក្ដីជូនដំណឹងស្ដីពី៖ ការលក់ផលិតផលខ្មែរក្រោមកម្មវិធីស្ដីពីកិច្ចសហការជំរុញ និងបង្កើនការលក់ផលិតផលខ្មែរនៅស្ថានីយប្រេងឥន្ធនៈភីធីធីតាម បណ្តារាជធានី-ខេត្ត ដំណាក់កាលទី២ ត្រីមាសទី៣ ឆ្នាំ២០២៣

ថ្ងៃទី០៤ ខែកញ្ញា ឆ្នាំ២០២៣ ម៉ោង ០៣:១៥ នាទី យប់

សេចក្តីជូនដំណឹងស្ដីពី៖ តម្លៃលក់រាយប្រេងឥន្ធនៈថ្មី ដែលត្រូវអនុវត្ត ចាប់ពីថ្ងៃទី ១ ដល់ថ្ងៃទី ១០ ខែកញ្ញា ឆ្នាំ២០២៣

ថ្ងៃទី០១ ខែកញ្ញា ឆ្នាំ២០២៣ ម៉ោង ០៣:០៧ នាទី រសៀល

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ទទួលជួបសម្តែងការគួរសមជាមួយឯកឧត្តម Francisco Kalbuadi Lay ឧបនាយករដ្ឋមន្ត្រី រដ្ឋមន្ត្រីសម្របសម្រួលកិច្ចការសេដ្ឋកិច្ច និងជារដ្ឋមន្ត្រីក្រសួងទេសចរណ៍ និងបរិស្ថាន នៃប្រទេសទីម័រខាងកើត

ថ្ងៃទី២៨ ខែសីហា ឆ្នាំ២០២៣ ម៉ោង ០៧:៣៥ នាទី យប់

ឯកឧត្តមរដ្ឋមន្ត្រីក្រសួងពាណិជ្ជកម្ម ទទួលជួបសមាគមជប៉ុន-កម្ពុជា

ព័ត៌មានថ្មីៗ

ស្លាក