ក្រសួងពាណិជ្ជកម្មទទួលអំណោយម៉ាស់ពេទ្យចំនួន ២០,០០០ ម៉ាស់ពីឯកឧត្តម ឧកញ៉ា ហ្ចាក់គី សែចិន និងក្រុមហ៊ុនហៃណាន យីងតុង (HaiNan Yingtong International Property Management Co., Ltd.)

(ភ្នំពេញ)៖ នៅរសៀលថ្ងៃទី១៦ ខែមេសា ឆ្នាំ២០២០ ឯកឧត្តម ប៉ាន សូរស័ក្តិរដ្ឋមន្ត្រីក្រសួងពាណិជ្ជកម្ម បានទទួលជំនួយបរិច្ចាកជាម៉ាស់ពេទ្យចំនួន ២០,០០០(ពីរម៉ឺន)ម៉ាស់ ពីឯកឧត្តម ឧកញ៉ា ហ្ចាក់គី សែចិន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានិងជាតំណាងពិសេសរបស់ក្រសួងពាណិជ្ជកម្មប្រចាំប្រទេសចិន និងលោក ហ្គូ ដាឡៃ (GuoDa Lei) អគ្គនាយកក្រុមហ៊ុន ហៃណាន យីងតុង (HaiNan YingtongInternational Property Management Co., Ltd.) ដើម្បីជាការចូលរួមក្នុងសកម្មភាពបង្ការទប់ស្កាត់ និងប្រយុទ្ធប្រឆាំងការរីករាតត្បាតនៃជម្ងឺកូវីត១៩ នៅកម្ពុជា។

ឯកឧត្តមរដ្ឋមន្ត្រី បានប្រសិទ្ធិពរចំពោះ ឯកឧត្តម ឧកញ៉ា ហ្ចាក់គីសែចិន លោក ហ្គូ ដាឡៃ និងក្រុមហ៊ុនទាំងមូលឲ្យទទួលបានជោគជ័យលើការងារ និងសូមទេវតាឆ្នាំថ្មីឆ្នាំជូត តាមថែរក្សាបុគ្គលិកក្រុមហ៊ុនទាំងអស់ ចាកផុតពីជំងឺកូវីដ-១៩៕