ឯកឧត្តម ប៉ាន សូរស័ក្ដិ រដ្ឋមន្រ្តីក្រសួងពាណិជ្ជកម្ម បានជួប សំណេះសំណាល និងផ្ដាំផ្ញើមន្រ្តីរាជការមន្ទីរពាណិជ្ជកម្ម និងសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ខេត្តកណ្តាល

នៅព្រឹកថ្ងៃព្រហស្បតិ៍ ១៥រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃ ទី២១ ខែឧសភាឆ្នាំ២០២០នេះ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអញ្ជើញជួប សំណេះសំណាល និងផ្ដាំផ្ញើ​ដល់មន្រ្តីរាជការ​​មន្ទីរ​

ពាណិជកម្ម និងសាខាការពារអ្នកប្រើប្រាស់ កិច្ចការប្រកួតប្រជែង​ និងបង្រ្កាបការក្លែងបន្លំខេត្តកណ្តាល ដោយមានការអញ្ជើញចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងពាណិជ្ជកម្មថ្នាក់ដឹកនាំ និងមន្ត្រីរាជការមន្ទីរពាណិជ្ជកម្ម និងសាខាការពារអ្នកប្រើប្រាស់កិច្ចការប្រកួតប្រជែង​ និងបង្រ្កាបការក្លែងបន្លំ ខេត្តកណ្តាល ជាច្រើននាក់ទៀត។

ឆ្លៀតក្នុងឱកាសនោះ ឯកឧត្តមរដ្ឋមន្ត្រីបានសម្តែងនូវសេចក្តី​សោមនស្ស​រីករាយ​និង​សម្ដែង​នូវការ​កោត​សរសើរ ចំពោះសមិទ្ធផល និង​ស្នាដៃ​​​ក្នុង​ការបំពេញភារកិច្ចតាមតួនាទីដែលមន្ទីរពាណិជ្ជកម្មខេត្តនិង​សាខា​ការពារ​អ្នក​ប្រើ​ប្រាស់ កិច្ចការ​ប្រកួត​ប្រជែងខេត្តកណ្តាល សម្រេចបានកន្លង​មកដែលបាន​ឆ្លុះ​បញ្ចាំង​​​ឱ្យឃើញ​អំពីការ​បំពេញ​ភារកិច្ច​ប្រកប​ដោយ​ស្មារតីទទួលខុសត្រូវជាពិសេស​សហការ​ទំនាក់​ទំនង​ល្អជាមួយ​រដ្ឋបាល​ខេត្ត និងអង្គភាព​មន្ទីរពាក់ព័ន្ធ​ក្នុង​ខេត្តទាំងអស់។

គួរបញ្ជាក់ផងដែរថានៅក្នុងចក្ខុវិស័យពាណិជ្ជកម្មក្រសួងពាណិជ្ជកម្មបានផ្ដោតយកចិត្តទុកដាក់ខ្លាំងលើការលើកកម្ពស់
ផលិត​កម្ម​ និងការធានាគុណភាពនៃផលិតផលឱ្យស្របតាមស្ដង់ដាររបស់ទីផ្សារការការពារកម្មសិទ្ធិបញ្ញា ការទប់ស្កាត់​ការក្លែងបន្លំការពង្រឹងយន្ដការត្រួតពិនិត្យគុណភាពទំនិញដើម្បីធានាឱ្យការនាំចេញ។ ក្រសួង​ពាណិជ្ជកម្មនឹងដាក់​ចេញនូវគោលនយោបាយថ្មីៗ ប្រកបដោយទស្សនទានពាណិជ្ជកម្មល្អៗ និងមុតស្រួចជាពិសេសការបើកចំហជើងមេឃ លំហូរដោយសេរីនៃទំនិញ សេវាកម្ម វិនិយោគ​ កម្លាំងពលកម្ម និង​មូលធន។