សេចក្តីជូនដំណឹង ស្តីពីការធ្វើបច្ចុប្បន្នកម្មវិធីព័ត៌មានរបស់ក្រសួង​ពាណិជ្ជកម្ម​ តាមទូរស័ព្ទចល័ត (MoC App)

ក្រសួងពាណិជ្ជកម្ម មានកិត្តិយសសូមជម្រាបជូនដំណឹងដល់​សាធារណជនទូទៅឱ្យបានជ្រាបថា កម្មវិធីព័ត៌មានរបស់ក្រសួង​ពាណិជ្ជកម្ម​ តាមទូរស័ព្ទចល័ត (MoC App) បាន​ធ្វើបច្ចប្បន្ន (Update) ដើម្បី​កែសម្រួល​ផ្នែក​មួយ​ចំនួន និង​បន្ថែមព័ត៌មាន​ឱ្យ​បានច្រើនជាងមុន ព្រម​ទាំង​អាច​ប្រើ​ប្រាស់​បាន​ងាយ​ស្រួល។

ទន្ទឹម​នឹង​នេះ​ សូមឱ្យ​សាធារណជន ​ធ្វើបច្ចប្បន្ន (Update) កម្មវិធីព័ត៌មានរបស់ក្រសួង​ពាណិជ្ជកម្ម​ តាមទូរស័ព្ទចល័ត (MoC App) ដែល​មាន​នៅក្នុងទូរស័ព្ទរបស់​លោក​អ្នក និង​ចុះឈ្មោះ​ចូលប្រព័ន្ធ ដើម្បី​អាច​មាន​ឱកាស​ទទួល​បានរង្វាន់​លើក​ទឹក​ចិត្ត​ពីឯកឧត្តមរដ្ឋមន្ត្រី រៀងរាល់​ខែ។​

សូមជម្រាបថា កម្មវិធី App ព័ត៌មានរបស់ក្រសួងពាណិជ្ជកម្ម គឺជាផ្នែកមួយនៃយុទ្ធសាស្ត្រទំនាក់ទំនងសារធារណៈរបស់ក្រសួង ដើម្បីជំរុញលំហូរព័ត៌មាន ឱ្យបានទៅដល់ដៃសាធារណជនគ្រប់ពេលវេលា និងគ្រប់ទីកន្លែង។ ក្រៅពីផ្តល់ព័ត៌មាន កម្មវិធីនេះបានកំពុងដើរតួជាស្ពាន ដើម្បីភ្ជាប់ទំនាក់ទំនងរវាងប្រជាពលរដ្ឋ និងថ្នាក់ដឹកនាំក្រសួងពាណិជ្ជកម្មផងដែរ។

ដើម្បីដោនឡូត ឬទាញយកកម្មវិធី App ព័ត៌មានរបស់ក្រសួងពាណិជ្ជកម្ម មកប្រើប្រាស់ លោកអ្នកគ្រាន់តែចូលទៅកាន់កម្មវិធី Play Store (Android) រួចស្វែងរកពាក្យ «Ministry of Commerce Cambodia» បន្ទាប់មកចុចលើពាក្យ Install ជាការស្រេច។ លោកអ្នកក៏អាចចុចលើតំណភ្ជាប់ (Link) ខាងក្រោម ដើម្បីដោនឡូត និងដំឡើងកម្មវិធី ទៅក្នុងទូរស័ព្ទដៃផងដែរ។ សម្រាប់ App Store (IOS) ក្រុម​ការងារ​បាន​នឹង​កំពុងធ្វើ​បច្ចុប្បន្ន។

Android: https://play.google.com/store/apps/details?id=dev.nec.sokleang.mocnews