ក្រសួងពាណិជ្ជកម្ម

ឯកឧត្តម រាជ រ៉ា រដ្ឋលេខាធិការក្រសួងពាណិជ្ជកម្ម បានដឹកនាំកិច្ចប្រជុំអន្តរក្រសួងលើកទី១ នៃក្រុមការងារចរចាពាណិជ្ជកម្មសេរីទ្វេភាគីកម្ពុជា-ម៉ុងហ្គោលី

ថ្ងៃទី២៩ ខែកញ្ញា ឆ្នាំ២០២០ ម៉ោង ០៨:២៤ នាទី យប់

👁 1

(រាជធានីភ្នំពេញ)៖ កាលពីថ្ងៃទី២៩ ខែកញ្ញា ឆ្នាំ២០២០ នៅទីស្តីការក្រសួងពាណិជ្ជកម្ម មានរៀបចំកិច្ចប្រជុំអន្តរក្រសួងលើកទី១ នៃក្រុមការងារចរចាពាណិជ្ជកម្មសេរីទ្វេភាគីកម្ពុជា-ម៉ុងហ្គោលី ក្រោមអធិបតីភាព ឯកឧត្តម រាជ រ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារចរចាកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ម៉ុងហ្គោលី ដើម្បីពិនិត្យលើទស្សនទាននៃការសិក្សាស្រាវជ្រាវពីលទ្ធភាពបង្កើតកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ម៉ុងហ្គោលី ដោយមានការចូល រួមពីតំណាងក្រសួង-ស្ថាប័នពាក់ព័ន្ធដូចជា៖ ក្រសួងសេដ្ឋកិច្ចនិងហិរញ្ញវត្ថុ ក្រសួងកសិកម្មរុក្ខាប្រមាញ់ និងនេសាទ ក្រសួងការងារនិងបណ្ដុះបណ្ដាលវិជ្ជាជីវៈ និងក្រុមប្រឹក្សាអភិវឌ្ឍន៍កម្ពុជា។

ជាកិច្ចចាប់ផ្តើម ឯកឧត្តមរដ្ឋលេខាធិការ បានលើកឡើងថា ការសិក្សាស្រាវជ្រាវពីលទ្ធភាពចរចាលើការបង្កើតកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ម៉ុងហ្គោលី គឺជាការអនុវត្តស្របតាមយុទ្ធសាស្រ្ដចតុកោណដំណាក់ទី៤ របស់រាជរដ្ឋាភិបាលកម្ពុជា ក្នុងការធ្វើពិពិធកម្មបើកច្រកទីផ្សារនឹងនាំឱ្យមានលំហូរពាណិជ្ជកម្មកើនឡើង និងការស្តារសេដ្ឋកិច្ចឡើងវិញបន្ទាប់ពីវិបត្តិវីរុសកូវីដ-១៩ ដែលមានលក្ខណៈមិនប្រកដប្រជា។

កិច្ចប្រជុំនេះមានគោលបំណង ពិភាក្សានិងប្រមូលធាតុចូលពីសមាជិកក្រុមការងារអន្តរក្រសួង លើឯកសារទស្សនទានដែលរៀបចំដោយវិទ្យាស្ថានស្រាវជ្រាវសេដ្ឋកិច្ចសម្រាប់បណ្តាប្រទេសអាស៊ីអាគ្នេយ៍ និងអាស៊ីបូព៌ា (ERIA)។ ជាលទ្ធផល កិច្ចប្រជុំបានបញ្ចប់នូវការពិនិត្យលើឯកសារទស្សនទាន និងបានសម្រេចលើកសំណើទៅ ERIA ពន្លឿនបញ្ចប់របាយការណ៍ស្រាវជ្រាវរបស់ខ្លួន។

ជាចុងក្រោយ ឯកឧត្តមរដ្ឋលេខាធិការ បានថ្លែងអំណរគុណយ៉ាងជ្រាលជ្រៅដល់សមាជិកក្រុមការងារទាំងអស់ នឹងបានជំរុញឱ្យក្រុមការងារបន្តខិតខំប្រឹងប្រែង ដើម្បីឱ្យការសិក្សាលទ្ធភាពបង្កើតកិច្ចព្រមព្រៀងពាណិជ្ជកម្មសេរីនេះទទួលបានជោគជ័យ។ ឯកឧត្តមរដ្ឋលេខាធិការ ក៏បានសង្ឃឹមយ៉ាងមុតមាំថា កិច្ចប្រជុំជាមួយវិទ្យាស្ថាន ERIA នឹងទទួលបានលទ្ធផលផ្លែផ្កា នាពេលខាងមុខ។

អត្ថបទ៖ នាយកដ្ឋានអាស៊ីប៉ាស៊ីហ្វិក

ព័ត៌មានថ្មីៗ

សេចក្ដីជូនដំណឹងស្ដីពី៖ ការលក់ផលិតផលខ្មែរក្រោមកម្មវិធីស្ដីពីកិច្ចសហការជំរុញ និងបង្កើនការលក់ផលិតផលខ្មែរនៅស្ថានីយប្រេងឥន្ធនៈភីធីធីតាម បណ្តារាជធានី-ខេត្ត ដំណាក់កាលទី២ ត្រីមាសទី៣ ឆ្នាំ២០២៣

ថ្ងៃទី០៤ ខែកញ្ញា ឆ្នាំ២០២៣ ម៉ោង ០៣:១៥ នាទី យប់

សេចក្តីជូនដំណឹងស្ដីពី៖ តម្លៃលក់រាយប្រេងឥន្ធនៈថ្មី ដែលត្រូវអនុវត្ត ចាប់ពីថ្ងៃទី ១ ដល់ថ្ងៃទី ១០ ខែកញ្ញា ឆ្នាំ២០២៣

ថ្ងៃទី០១ ខែកញ្ញា ឆ្នាំ២០២៣ ម៉ោង ០៣:០៧ នាទី រសៀល

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ទទួលជួបសម្តែងការគួរសមជាមួយឯកឧត្តម Francisco Kalbuadi Lay ឧបនាយករដ្ឋមន្ត្រី រដ្ឋមន្ត្រីសម្របសម្រួលកិច្ចការសេដ្ឋកិច្ច និងជារដ្ឋមន្ត្រីក្រសួងទេសចរណ៍ និងបរិស្ថាន នៃប្រទេសទីម័រខាងកើត

ថ្ងៃទី២៨ ខែសីហា ឆ្នាំ២០២៣ ម៉ោង ០៧:៣៥ នាទី យប់

ព័ត៌មានថ្មីៗ

ស្លាក