ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ចូលរួមអម សម្តេចតេជោនាយករដ្ឋមន្រ្តី ក្នុងឱកាសនៃកិច្ចប្រជុំកំពូលពិសេសអាស៊ាន-សហរដ្ឋអាមេរិក

(រដ្ឋធានីវ៉ាស៊ីនតោន, សហរដ្ឋអាមេរិក)៖ កាលពីថ្ងៃទី១៣ ខែឧសភា ឆ្នាំ២០២២ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងជាប្រធាននៃកិច្ចប្រជុំរដ្ឋមន្រ្តីសេដ្ឋកិច្ចអាស៊ាន និងកិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ាន សម្រាប់ឆ្នាំ២០២២ បានចូលរួមអម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ ចូលរួមកិច្ចប្រជុំដែលរៀបចំឡើងនៅក្រសួងការបរទេសសហរដ្ឋអាមេរិក។

កិច្ចប្រជុំទាំងនោះ រួមមាន៖  

១) អាហារថ្ងៃត្រង់រៀបចំដោយលោកជំទាវ កាម៉ាឡា ហារីស (Kamala Harris) អនុប្រធានាធិបតីសហរដ្ឋអាមេរិក សម្រាប់ថ្នាក់ដឹកនាំអាស៊ាន  

២) កិច្ចប្រជុំស្តីពីបញ្ហាអាកាសធាតុ  ការអភិវឌ្ឍថាមពលស្អាត និងហេដ្ឋារចនាសម្ព័ន្ធប្រកបដោយចីរភាព រវាងថ្នាក់ដឹកនាំអាស៊ាន ជាមួយលោកជំទាវ កាម៉ាឡា ហារីស (Kamala Harris) អនុប្រធានាធិបតីសហរដ្ឋអាមេរិក និងថ្នា្កក់ដឹកនាំសហរដ្ឋអាមេរិក និង  

៣) កិច្ចប្រជុំកំពូលអាស៊ាន ជាមួយ ឯកឧត្តម ចូ បៃដិន (Joe Biden) ប្រធានាធិបតីសហរដ្ឋអាមេរិក។