សេចក្តីជូនដំណឹងស្ដីពី៖ ការបង់កម្រៃសមាជិកភាពរបស់ខ្លួនប្រចាំឆ្នាំ ដើម្បីក្លាយជាភ្នាក់ងារតំណាងស្របច្បាប់នៃម្ចាស់ម៉ាកដែលទទួលស្គាល់ជាផ្លូវការសម្រាប់ឆ្នាំ២០២៣

ក្រសួងពាណិជ្ជកម្មមានកិត្តិយស សូមជម្រាបជូនដំណឹងដល់ លោក លោកស្រី អ្នកនាង កញ្ញា ទាំងអស់ដែលជា ភ្នាក់ងារតំណាងស្របច្បាប់នៃម្ចាស់ម៉ាកក្នុងព្រះរាជាណាចក្រកម្ពុជា ឬ/និង កន្លងមកទទួលបានជោគជ័យក្នុងការបណ្តុះ បណ្តាល ធ្វើជាភ្នាក់ងារតំណាងស្របច្បាប់នៃម្ចាស់ម៉ាកក្នុងព្រះរាជាណាចក្រកម្ពុជា សូមមកបង់កម្រៃសមាជិកភាពរបស់ខ្លួន ប្រចាំឆ្នាំ   ដើម្បីក្លាយជាភ្នាក់ងារតំណាងស្របច្បាប់នៃម្ចាស់ម៉ាកដែលទទួលស្គាល់ជាផ្លូវការសម្រាប់ឆ្នាំ២០២៣  យោងតាមប្រកាសលេខ ០៤៥ MOC/SM 2011 ចុះថ្ងៃទី០៩ ខែកុម្ភៈ ឆ្នាំ២០១១ ស្តីពីភា្នក់ងារតំណាងស្របច្បាប់នៃម្ចាស់ម៉ាកក្នុងព្រះរាជាណាចក្រកម្ពុជា និងប្រកាសអន្តរក្រសួង ស្តីពី ការផ្តល់សេវាសាធារណៈរបស់ក្រសួងពាណិជ្ជកម្ម។

អាស្រ័យដូចបានជម្រាបជូនខាងលើ សូម លោក លោកស្រី អ្នកនាង កញ្ញា ទាញយកគំរូពាក្យស្នើសុំចុះឈ្មោះដូច បានជូនភ្ជាប់។ ពាក្យស្នើសុំត្រូវដាក់នៅបញ្ជនៃនាយកដ្ឋានកម្មសិទ្ធិបញ្ញា និងត្រូវបង់កម្រៃសមាជិកភាពរបស់ខ្លួនដើម្បី ក្លាយជាភ្នាក់ងារតំណាងស្របច្បាប់នៃម្ចាស់ម៉ាកដែលទទួលស្គាល់ជាផ្លូវការសម្រាប់ឆ្នាំ២០២៣ នៅបញ្ជបង់ប្រាក់រួមរបស់ ក្រសួងពាណិជ្ជកម្ម រៀងរាល់ម៉ោងធ្វើការ ចាប់ពីថ្ងៃផ្សព្វផ្សាយជូនដំណឹងនេះរហូតដល់ ថ្ងៃទី១០ ខែកុម្ភៈ ឆ្នាំ២០២៣។សូមអរគុណ!

ទាញយកជាPDF: https://cutt.ly/L0OaaUP