ឯកឧត្តម ឈាង គ្រីស្តុហ្វ រដ្ឋលេខាធិការក្រសួងពាណិជ្ជកម្ម ចូលរួមក្នុងមហាសន្និបាតលើកទី៦ នៃក្រុមប្រឹក្សាលើកតម្កើងហ្រ្វង់កូហ្វូនីនៅកម្ពុជា (CPFC)

(ភ្នំពេញ)៖ នារសៀលថ្ងៃទី២៣ ខែមីនា ឆ្នាំ២០២៣ ឯកឧត្តម ឈាង គ្រីស្តុហ្វ រដ្ឋលេខាធិការក្រសួងពាណិជ្ជកម្ម តំណាងរបស់ ឯកឧត្តមប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានអញ្ជើញចូលរួមក្នុងមហាសន្និបាតលើកទី៦ នៃក្រុមប្រឹក្សាលើកតម្កើងហ្រ្វង់កូហ្វូនីនៅកម្ពុជា (CPFC) ក្រោមអធិបតីភាព ឯកឧត្តម ឈីវ យីស៊ាង រដ្ឋលេខាធិការ ក្រសួងការបរទេស និងសហប្រតិបការអន្តរជាតិ។

មហាសន្និបាតនេះមានគោលបំណងពិនិត្យ និងពិភាក្សាទៅលើប្រធានបទសំខាន់ៗមួយចំនួន រួមមាន៖

(១) ការបង្ហាញសង្ខេបពីព្រឹត្តិការណ៍ហ្វ្រង់កូហ្វូនីនៅកម្ពុជា និងតំបន់អាស៊ី-ប៉ាស៊ីហ្វិក ក្នុងឆ្នាំ២០២២,

(២) ការបង្ហាញលទ្ធផលនៃកិច្ចប្រជុំកំពូលហ្វ្រង់កូហ្វូនីលើកទី១៨ នៅទុយនីស៊ី,  

(៣) កិច្ចពិភាក្សាលើ ព្រឹត្តិការណ៍ហ្វ្រង់កូហ្វូនីដែលនឹងត្រូវរៀបចំក្នុងឆ្នាំ២០២៣ និងការរៀបចំផែនទីចង្អុលផ្លូវ ឆ្នាំ២០២៣និង (៤) ការធ្វើបច្ចុប្បន្នភាពលក្ខន្តិកៈ CPFC និងការបន្ថែមសមាជិកថ្មី។ ខ្ញុំសូមគោរពជូនភ្ជាប់នូវ សេចក្តីព្រាងកម្មវិធី៕