ក្រសួងពាណិជ្ជកម្ម

រដ្ឋមន្រ្តីពាណិជ្ជកម្ម អញ្ជើញចូលរួមជាអធិបតីក្នុងពីធីក្រុងពលី ផ្សារគំរូព្រំដែនកម្ពុជា (ផ្សារដារ)

ថ្ងៃទី២៣ ខែធ្នូ ឆ្នាំ២០១៩ ម៉ោង ០៦:៣៦ នាទី ល្ងាច

👁 0

(ខេត្តត្បូងឃ្មុំ)៖ នៅរសៀលថ្ងៃទី២៣ ខែធ្នូ ឆ្នាំ២០១៩ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងឯកឧត្តម ជាម ច័ន្ទសោភ័ណ្ឌ អភិបាលនៃគណៈអភិបាលខេត្តត្បូងឃ្មុំ បានអញ្ជើញចូលរួមជាអធិបតីក្នុងពិធីក្រុងពលី ដើម្បីសម្ពោធផ្សារគំរូព្រំដែនកម្ពុជា ដែលមានទីតាំងស្ថិតនៅភូមិដារកណ្តោល ឃុំដារ ស្រុកមេមត់ ខេត្តត្បូងឃ្មុំ។

ការរៀបចំពិធីក្រុងពលីនេះ ដើម្បីត្រៀមពិធីសម្ពោធ និងប្រគល់-ទទួល ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលនឹងប្រព្រឹត្តទៅនៅថ្ងៃទី២៤ ខែធ្នូ ឆ្នាំ២០១៩។

ពិធីក្រុងពលីនេះ មានការចូលរួមពីថ្នាក់ដឹកនាំក្រសួងពាណិជ្ជកម្ម និងក្រសួងពាក់ព័ន្ធដែលជាសមាជិក សមាជិកាគណៈកម្មការគ្រប់គ្រងគម្រោងសម្រាប់ការអនុវត្តផ្សារគំរូព្រំដែនកម្ពុជា ព្រមទាំងមន្រ្តីរាជការនៃខេត្តត្បូងឃ្មុំ និងប្រជាពលរដ្ឋ សរុបមានចំនួន ៨០ នាក់។

ការបង្កើតឱ្យមានផ្សារគំរូព្រំដែននេះឡើង ក្រោមការសហការរវាងប្រទេសកម្ពុជា និងប្រទេសវៀតណាម ដែលជាផ្សារគំរូដំបូងរវាងប្រទេសទាំងពីរ ក្នុងគោលបំណងដើម្បីរឹតចំណងមិត្តភាព ព្រមទាំងពង្រឹង និងពង្រីកទំហំពាណិជ្ជកម្មនៃការវិនិយោគ និងធុរកិច្ចរវាងកម្ពុជា និងវៀតណាម ក៏ដូចជាជំរុញការដោះដូរទំនិញតាមបណ្តាច្រកព្រំដែននៃប្រទេសទាំងពីរ។

ព័ត៌មានថ្មីៗ

សេចក្ដីជូនដំណឹងស្ដីពី៖ ការលក់ផលិតផលខ្មែរក្រោមកម្មវិធីស្ដីពីកិច្ចសហការជំរុញ និងបង្កើនការលក់ផលិតផលខ្មែរនៅស្ថានីយប្រេងឥន្ធនៈភីធីធីតាម បណ្តារាជធានី-ខេត្ត ដំណាក់កាលទី២ ត្រីមាសទី៣ ឆ្នាំ២០២៣

ថ្ងៃទី០៤ ខែកញ្ញា ឆ្នាំ២០២៣ ម៉ោង ០៣:១៥ នាទី យប់

សេចក្តីជូនដំណឹងស្ដីពី៖ តម្លៃលក់រាយប្រេងឥន្ធនៈថ្មី ដែលត្រូវអនុវត្ត ចាប់ពីថ្ងៃទី ១ ដល់ថ្ងៃទី ១០ ខែកញ្ញា ឆ្នាំ២០២៣

ថ្ងៃទី០១ ខែកញ្ញា ឆ្នាំ២០២៣ ម៉ោង ០៣:០៧ នាទី រសៀល

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ទទួលជួបសម្តែងការគួរសមជាមួយឯកឧត្តម Francisco Kalbuadi Lay ឧបនាយករដ្ឋមន្ត្រី រដ្ឋមន្ត្រីសម្របសម្រួលកិច្ចការសេដ្ឋកិច្ច និងជារដ្ឋមន្ត្រីក្រសួងទេសចរណ៍ និងបរិស្ថាន នៃប្រទេសទីម័រខាងកើត

ថ្ងៃទី២៨ ខែសីហា ឆ្នាំ២០២៣ ម៉ោង ០៧:៣៥ នាទី យប់

ព័ត៌មានថ្មីៗ

ស្លាក