សេចក្តីជូនដំណឹង ស្ដីពីការអញ្ជើញចូលរួមពិព័រណ៍ពាណិជ្ជកម្មថៃសម្រាប់ឆ្នាំ២០២០

ក្រសួងពាណិជ្ជកម្ម នៃព្រះរាជាណាចក្រកម្ពុជា មានកិត្តិយសសូមជម្រាបជូនដំណឹងដល់ពាណិជ្ជករ អាជីវករ និងសាធារណជនទូទៅឲ្យបានជ្រាបថា៖ តាមរយៈការិយាល័យពាណិជ្ជកម្មនៃស្ថានទូតថៃ​ប្រចាំ​ព្រះរា​ជា​​ណាចក្រកម្ពុជា នាយកដ្ឋានជំរុញពាណិជ្ជកម្មអន្តរជាតិ នៃក្រសួងពាណិជ្ជកម្មថៃ បានអញ្ជើញប្រទេស​ជា​សមាជិក​អាស៊ានចំនួនបី(កម្ពុជា-ឡាវ-មីយ៉ាន់ម៉ា) ចូលរួមពិព័រណ៍ពាណិជ្ជកម្មថៃសម្រាប់ឆ្នាំ២០២០ ចំនួន០៣​ពិព័រណ៍​ក្រោមប្រធានបទផ្សេងៗគ្នាដូចខាងក្រោម៖

១. ពិព័រណ៍ត្បូង និងគ្រឿងអលង្ការ(Bangkok Gems & Jewelry Fair 2020) ក្នុងខែកុម្ភៈ

២. ពិព័រណ៍ម្ហូបអាហារអាស៊ី(THAIFEX World of Food Asia 2020) ក្នុងខែឧសភា

៣.ពិព័រណ៍ត្បូង និងគ្រឿងអលង្ការ(Bangkok Gems & Jewelry Fair 2020) ក្នុងខែកញ្ញា

         អាស្រ័យដូច​បានជម្រាបជូនខាងលើ ក្រសួងពាណិជ្ជកម្ម សូមអញ្ជើញពាណិជ្ជករ អាជីវករ​ ដែល​ជា​ម្ចាស់​​ក្រុមហ៊ុន និងសហគ្រាសទាំងអស់ ដែលមានចំណាប់អារម្មណ៍ និងបំណងទៅ​ចូលរួមផ្សព្វផ្សាយ​ពី​ផលិត​ផល​ ​របស់ខ្លួន ឬមាន​គម្រោងស្វែងរកដៃគូពាណិជ្ជកម្មក្នុងព្រឹត្តិការណ៍ពិព័រណ៍នេះ សូមមកទាក់ទង និងបំពេញ​បែបបទ​​​​នៅ​នាយកដ្ឋានកិច្ចការពិព័រណ៍នៃ​អគ្គនាយក​​ដ្ឋានជំរុញពាណិជ្ជកម្ម ក្រសួងពាណិជ្ជកម្ម ដោយ​ភ្ជាប់​​មកជា​មួយ​នូវពាក្យស្នើសុំចូលរួម និងឯកសារពាក់ព័ន្ធ​ផ្សេងៗដូចជា ប័ណ្ណចុះបញ្ជីអាជីវកម្ម ប័ណ្ណប៉ាតង់...ចាប់ពីថ្ងៃជូន​ដំណឹង​នេះតទៅ ។

          សម្រាប់ព័ត៌មានបន្ថែម សូមទាក់ទងនាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម​ក្រសួងពាណិជ្ជកម្ម​ ដែលមានទីតាំងស្ថិតនៅជាន់ទីពីរ នៃអគារទីស្តីការក្រសួង​ពាណិជ្ជកម្ម អាសយដ្ឋាន៖ ដីឡូត៍ លេខ ១៩-៦១ មហាវិថីសហព័ន្ធរុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ទូរស័ព្ទទាក់ទង៖        ០១២​ ៧៧៧ ៩៥៩ ឬ ០១២​​ ៦០០​ ៧៧៨ ឬ ០១២ ៧០៣ ៣៩៣

អាសយដ្ឋានអ៊ីម៉ែល៖   ​cheaputhea@yahoo.com / veasna_mao@yahoo.com

សូ ម អ រ គុ ណ !